上一篇我地討論過行山嘅時候膝痛可以點處理，今次我地嚟睇下有咩常見傷患。當然都會講下點樣藉住使用正確嘅護具嚟減少受傷嘅機會。
扭傷
足踝扭傷是指足踝關節韌帶的全部或部份撕裂。當關節過度伸拉或突然扭轉，以致超出關節正常活動範圍而發生。係行山嘅時候路面不平同濕滑、踩空等都會引致扭傷。
預防方式：
使用支撐性較高嘅護具，為踝關節提供足夠保護。開始行山前亦要做足熱身，減少拉傷機會。
膝部受傷
行山上高落低會有大量重複性動作，對膝頭造成唔少壓力。膝部受傷常見嘅情況會係扭傷同筋腱炎。
預防方式：
要對膝頭周邊嘅肌肉做足夠嘅訓練，增加對關節嘅保護。同時要注意行山時嘅姿勢，減少因動作不正確而造成嘅拉傷。最後要用可以提供充足緩沖嘅護膝同鞋墊，減少對膝關帶嚟嘅壓力。
脛痛症候群
當山徑路面較硬、腿部過勞同裝備不正確，就會有機會造成脛痛。顧名思義就係沿住脛骨，尤其係脛骨下三分一後內側部分出現痛症，小腿肌肉出現壓痛、酸痛或疼痛。
預防方式：
係運動中加入力量訓練，以加強腿部、腳踝同臀部肌肉，亦可以使用護具為肌肉提供額外支撐。同時選擇合適嘅鞋同鞋墊，為腿部提供緩沖。
